डोळे येणे म्हणजे काय? खरं तर हा आजार एक प्रकारचं संसर्ग किंवा अॅलर्जी आहे. ज्या व्हायरसमुळे सहसा आपल्याला सर्दी होते, त्या व्हायरसमुळे हा आजार संभवतो. बॅक्टेरियल किंवा व्हायरसमुळे डोळे आलेले असल्यास एका व्यक्तीकडून दुसऱ्या व्यक्तीमध्ये पसरू शकतो, तर अॅलर्जीमुळे डोळे आलेले असल्यास त्याचा दुसऱ्यांना संसर्ग होत नाही. डोळे येण्याची लक्षणं काय आहेत? डोळे आले असल्यास काही लक्षणं प्रामुख्याने जाणवू लागतात. डोळे हलके लाल होऊ लागतात. डोळ्यातून पाणी यायला लागतं. खाज येऊ लागते. डोळ्यात थोडी चिकटपणा येतो. डोळ्यात वारंवार खाज येते. कधीकधी यासोबत सर्दी, खोकला, ताप अशी लक्षणेही जाणवू शकतात. “साधारणपणे असं दिसतं की, डोळे येण्याची लक्षणं एका डोळ्यात आधी दिसू लागतात. मग ती दुसऱ्या डोळ्यामध्येही प्रकट होतात. या जिवाणूचा शरीरातला इंक्यूबेशन पिरियेड म्हणजे, संसर्ग होणे ते लक्षणं दिसण्याचा काळ हा तीन-चार दिवसांचा आहे. पावसाळ्यात व्हायरसच्या वाढीसाठी आणि पसरण्यासाठी पोषक वातावरण असतं. यामुळे पावसाळ्यात या आजाराची साथ जास्त पसरताना दिसते. संसर्ग झाल्यास कोणते उपचार असतात? डोळे आल्यास साधारणपणे दोन आठवड्यांच्या कालावधीत हा आजार बरा होतो. हा आजार बरा करण्यासाठी शरिराच्या रोगप्रतिकारक शक्तीला पुरक अशीच औषधं दिली जातात. डॉक्टर डोळ्यात टाकण्यासाठी काही ड्रॅप देतात. तसंच जर ताप किंवा तत्सम काही लक्षणं असतील तर त्यावरही काही औषधं दिली जाऊ शकतात. अधिक माहिती व उपचारांसाठी संपर्क डॉ धंदुके गुरुकृपा क्लिनिक वडगाव मावळ व तळेगाव दाभाडे 8856860463